من سمع قبل كده عن الايلوميناتيين او "الطبقه المستنيرة" - Illuminati- .. لما باسمع الاسم بيجي على بالي كلمة الماسونيه و اخوية "فرسان الهيكل" والعلمانية والليبرالية والعلاقات العقائدية اللي ممكن تربط بين الحركات والافكار دي وفي نفس الوقت تسبب بينها و بين العقيدة الكاثوليكية او العقيدة الاسلاميه (من مفهوم رجال الدين) اختلاف واحيانا عداوة وصراع.. وهل الاختلاف او التوافق ده ممكن يأثر على نوعية الحياة اللي بيعيشها البشر يعني يفرق معانا لو اتكلمنا او ماتكلمناش.وبما ان مصطلح "الطبقة المستنيرة" غريب شوية الا على الذين قرأوا بعض كتابات دان براون , هنبدأ من المصطلحات المألوفة للغالبية يعني ايه ماسونية؟؟.. وباطلب منكم ترموا أي حاجة في دماغكم سمعتوها من توفيق عكاشه او احمد زبايدر مبدئيا. الماسونية مشتقة من كلمة - "البنّاء الحر"او -Freemason.. وكعبتهم التاريخية هي الهيكل الذي كان يتعبد ويسكن فيه الملك النبي سليمان عليه السلام..لما كان يحتويه من مهارة معجزة في البناء و ضخامة في الصروح واتقان يتعذر على البنائين القيام به الا في عصرنا هذا..بس عايزين ناخد في بالنا حاجة ..هل ده معناه ان الماسونيين كانوا موجودين من ايام سليمان عليه السلام؟؟ ممكن الماسونين نفسهم يقولوا ان ده صحيح من دواعي ترسيخ جذور الفكرة في التاريخ لزيادة مصداقيتها وتقبلها ولو سألتهم على دلائل ملموسة ان فكرتهم او عقيدتهم موجودة تاريخيا بكتب او كتاب يجمع معتقداتها والحوادث التاريخية اللي شاركت فيها لو عنده صبر او وقت هيقولك الفكرة او الرسالة مش محتاجة لكتب تنقلها طول ماهي محفوظة في عقول وصدور اشخاص مؤمنين بيها ومع ذلك ممكن نقول فعلا انه يوجد كتاب للحركة الماسونية مذكور فيه حوادث قديمة وقعت في الفترة التاريخية من ايام النبي سليمان وداوود وموسى وعيسى عليهم السلام ..ذُكر بعضها في الكتب المقدسة ولم يذكر اغلبها..لان كتاب زي ده لعقيدة قديمة كده هيذكر ظهور الانبياء و نشأة الديانات السماوية كحوادث تاريخية مرت بالبشريه وهو سجل تاريخي اكثر من كونه كتاب مقدس تلاه نبي او كُتب بواسطة وحي الهي..
Wednesday, March 14, 2012
تعريف الماسونية-1
Subscribe to:
Post Comments (Atom)
No comments:
Post a Comment