اليابان وقع عليها قنبلة نوويه من 60 سنه..
مصر وقع عليها الحكم العسكري من 60 سنه؟..
شوفو اليابان فين واحنا فين النهاردة!
هل لو "اينولا جاي" وقعت على دماغنا كانت احسن من الاطاحة بالملكية؟
وده يدفعنا لسؤال تاني بردو بغض النظر عن ثورة يوليو..هل
يجب لأي امة عشان تزدهر وتتقدم وتسيطر ان يحدث لها هولوكوست نازي أو هولوكوست نووي؟
ولو حصل في مصر هولوكوست -لاقدر الله- يبقى مصر هتتقدم وتزدهر بعد 50 او 60
سنه!.. ولو ماحصلش اي نوع من الدمار او التنضيف الحراري يبقى قدامنا
قد ايه بالصلاة عالنبي؟
العيب فينا ولا في الثورة ولا في الضباط الاحرار؟
اليست ثورة 25-يناير انقلاب فكري واجتماعي على مبادئ ونتائج ثورة 23-يوليو..ام حدثت لتكون دعم وتعزيز لثورة يوليو ولفكرة حكم العسكر؟
ازاي تهتف لثورة يوليو وهيا انقلاب عسكري على سلطة مدنية بغض النظر عن طبيعتها الهيراركية وفي نفس الوقت بتقول يسقط حكم العسكر ؟؟
اسئلة كتير لا تبحث عن اجابة ..لأنها مش فارقة
